Nazim Məmmədov:“Azərbaycanın Şahdəniz 2 -ci fazası işə düşməyəcəyinə qədər Nabuccoya vermək üçün qazı yoxdur”

Bu sözləri “Vətəninfo.az”a sabiq millət vəkili, tanınmış iqtisadçı Nazim Məmmədov bildirib: “Nabucco müzakirə olunan zaman Gürcüstana, Rusiyaya, İrana və Türkiyəyə qaz satışlarının həcmi müəyyən olundu və daxili istehlakı da nəzərə alsaq 25 mlrd kub m. ancaq bu marşrutlara çatır. Nabucconun əsas hədəfi transxəzər olduğundan əsas qaz tədarükçüsü də Türkmənistan ola bilərdi. Bu məsələdə də Xəzərin statusu mane olur. Rusiya Nabucconu əngəlləmək üçün hərtərəfli çalışmaqla yanaşı Azərbaycandan qaz almaqla indiki etapda İranı da bizdən qaz almağa qoşaraq Avropa Birliyinin bu layihəsini təxirə almağa cəhd göstərib və müəyyən "nailiyyətlər" də əldə edib. Bütün bunlarla yanaşı Azneft şirkəti hələ də ölkənin bütün yaşayış məntəqələrini təbii qazla təmin etməməsi təəssüf doğurur”-deyə,millət vəkili qeyd edib.

Elnur Eltürk