Nazim Məmmədov:"Bizim ölkənin daxilində investisiya potensialı hələ də qalmaqdadır"

“Ümumilikdə xaricə investisiya qoyuluşunun stimullaşdırılması keçən əsrin 60-70 ci illərindən ABŞ-ın aparıcı şirkətləri tərəfindən həyata keçirilməyə başlayıb”.

Bu sözləri Vətəninfo.az-a sabiq millət vəkili, tanınmış iqtisadçı Nazim Məmmədov bildirib.

“Burada məqsəd daha ucuz işçi qüvvələri və təbii resursları olan ölkələrdə ABŞ-ın təsirini gücləndirmək idi. Ancaq sonuncu böhrandan sonra Obama höküməti o güzəştləri ləğv edərək, ölkənin əsas istehsal şirkətlərinin zavod, fabriklərinin geriyə dönməsini stimullaşdırmağa başlayıb. Bizim ölkənin daxilində investisiya potensialı hələ də qalmaqdadır. Ona görə dövlət şirkətlərinin xarici ölkələrə böyük həcmdə vəsait yatırmalarını yarımçıq yanaşma kimi qiymətləndirirəm.

Çox vaxt belə investisiyaların siyasi yükü daha çox olur deyə iqtisadi effektivliyi, şəffaflığı da suallar yaradır. Bir sözlə, əvvəlcə evin içi, sonra çölü fəlsəfəsindən yanaşsaq, deyə bilərik ki, biz çox tələsirik özümüzü investor qismində təqdim etməyə”.

Elnur Eltürk