Neft bahalaşıb, səhmlər ucuzlaşıb

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 0,13 dollar bahalaşaraq 1 barelə görə 90,86 dollar təşkil edib.

ICE London qitələrarası birjasında Brent markalı neftin 1 barelinin dəyəri 0,10 dollar bahalaşaraq 94,26 dollar olub.

Səhmlər isə xeyli ucuzlaşıb. Amerika fond bazarında Dow Jones indeksi 1,40% - 16 805 bəndədək, S&P 500 1,32% - 1 946 bəndədək, NASDAQ 1,59% - 4 422 bəndədək azalıb.

 Avropa fond bazarlarında Almaniya DAX-ı 0,97% - 9 382 bəndədək, Fransa CAC-40-ı 1,15% - 4 365 bəndədək,  FTSE 100 indeksi 0,98% - 6 558 bəndədək düşüb.

COMEX-də qızılın bir unsiyası 4,50 dollar bahalaşaraq 1 220,00 dollar olub.