Məlumdur ki, Xəzər dənizində baş verən növbəti faciə Azərbaycanda qeyri-rəsmi hüznlə müşayiət olunmaqdadır. Lakin bəzi telekanallar proqramlarında dəyişiklik etdiklərini elan etsələr də realda başqa mənzərə müşahidə olunmaqdadır.

Azərbaycan 24-ün məsələ ilə bağlı qısa monitorinqi nəticəsində bəlli olub ki, bəzi telekanallar proqram dəyişikliyi deyəndə yalnız şou-proqram və müğənnilərin efir torundan çıxarılmasını anlayır, həmin günlərdə müxtəlif verilişlərdəki mövzulara diqqət yetirmirlər. Xüsusən ölkənin bütün telekanallarını ağuşuna alan və yaxşı maliyyə mənbəyi olan tibb verilişləri nəinki hüznlü günləri nəzərə almır, əksinə bəzi hallarda hətta etik çərçivələrdən kənar mövzu və təsvirlərlə yarışırlar.

Təəssüf doğuran məqam ondan ibarətdir ki, özəl telekanalların bunu özlərini maliyyəlləşdirmək üçün etdiklərinə dair bəhanələri olsa da, eyni məqam dövlət televiziyasının efirində də müşahidə olunur. Qısa araşdırma nəticəsində hazırlanmış videonu təqdim edirik.

[video=http:// ]