“O uşaq Türkiyənin övladıdır”

Türkiyənin Kilis vilayətinin Əlbəyli mahalının sərhədində İŞİD-in açdığı atəş nəticəsində həlak olan ehtiyatda olan zabit Məmməd Yalçın Nanənin oğlu Baş nazir Əhməd Davudoğlunun həyat yoldaşı Sare Davudoğlunun əllərində dünyaya gəlib.
Vətəninfo.az Axar.az-a istinadla xəbər verir ki, Baş nazirin "O uşaq Türkiyənin övladıdır” dediyi şəhidin öz adının verildiyi oğlu üçün bu gecə saat 02:30 radələrində Qaziantepə gedən Sare Davudoğlu doğumu reallaşdıran qrupun başında yer alıb.
Qaziantep Xüsusi Düztəpə Həyat Xəstəxanasında saat 04:00-da qeysəriyyə əməliyyatı ilə dünyaya gələn körpənin vəziyyətinin yaxşı olduğu bildirilib.
Sare Davudoğlu əməliyyatdan sonra ana və körpəsini otağında da ziyarət edib.