Türkiyə mayın 14-də keçiriləcək prezident seçkilərində ATA İttifaqından namizədliyi irəli sürülən Sinan Oğanın Antalyada keçirəcəyi mitinq proqramı ləğv edilib.

Bu barədə Türkiyə mətbuatı məlumat yayıb.

Məlumata görə, Sinan Oğan sabah Ankaraya yollanacaq və komandası ilə müzakirələr aparacaq.

Türkiyəli jurnalist İsmayıl Saymaz Sinan Oğanın namizədliyini geri götürəcəyi ilə bağlı iddiaların olduğunu bildirib. Lakin Zəfər Partiyasının sədri Ümid Özdağ bu iddiaları təsdiqləməyib.