Odlar yurdum, Azərbaycan! - Şeir

Nazim Zakir oğlu Zeynalov: “Şeiri mərhum prezident, ümummilli liderHeydərƏliyevin xatirəsinə ithaf edirəm”.

Dünya birdi, səndə birsən, 

Ən müqəddəs ocaq, pirsən,

Möcüzəsən, qədim sirsən,

Tarixinə qurban bu can,

Odlar yurdum, Azərbaycan!

Xəzərin bir sonsuz ümman,

Havan, suyun cana dərman,

Nəbzinlə birgə vuran,

Bu ürəyim sənə qurban,

Odlar yurdum, Azərbaycan!

Xanımların tər çiçəkdi,

İgidlərin nər biləkdi,

Anaların bir mələkdi,

Ataların dağdı inan,

Odlar yurdum, Azərbaycan!

Müdriklərin ünvanısan,

Haqqın əzəl divanısan,

Sən ruhumun yuvasısan,

Qoy başına dönsün bu can,

Odlar yurdum, Azərbaycan!

Heydərimin adı, sanı,

İlhamımın gülüstanı,

Millətimin şah dastanı,

Var olduqca deyəcəm can,

Azərbaycan, Azərbaycan!