Ötən gün sosial şəbəkələrdə erməni zabit, "Kyox” ləqəbli Karen Cavadyanın Azərbaycan Ordusuna təslim olmaq istəmədiyi və əsgərləri ilə birlikdə "sona qədər vuruşacağını” yazıblar.

Globalinfo.az xəbər verir ki, "Hraparak” nəşri onunla məsələ ilə bağlı danışıb.

K.Cavadyanın sözləri ona inanan erməniləri sözün əsl mənasında şoka salıb.

"Erməni xalqına nə Qarabağ, nə Qarabağ erməniləri lazımdır! Bu qədər! Get və Nikola de ki, Qarabağı müdafiə etməyə özü getsin, qoy Qarabağı satdığı kimi müdafiə də etsin. İstəyirsən Nikola, istəyirsən Köçəryana, istəyirsən Serjikə de”, – Karen Cavadyan bildirib.

Qeyd edək ki, K.Cavadyana 2020-ci il müharibəsindəki terrorçu fəaliyyətlərinə görə saxta "milli qəhrəman” adı verilmişdi.