Orta Şərqdə baş verən proseslər Güney Azərbaycana nələr vəd edir?

Orta Şərq gedən proseslər və ABŞ İran münasibətlərinin kəskinləşməsi Güney Azərbaycan türklərinin güneyin gələcək müqəddaratı ilə bağlı  mövqeylərinin dəqiqləşdirilməsi üçün çox önəmlidir.

Bu sözləri “Vətəninfo.az”a Qlobal İnteqrasiya və Dialoq Mərkəzinin prezidenti, Elmlər Akademiyası Fəlsəfə İnstitutunun əməkdaşı Yasəmən Qaraqoyunlu dünyada baş verən proseslərin güney Azərbaycana nələr vəd etməsi ilə bağlı fikrini şərh edərkən bildirdi.

Əsasən bu gün aşağadakı qeyd etdiyim faktorlar  dəqiqləşdirilməlidir:

1.Güney Azərbaycan siyasi və ictimai təşkilatları arasında ortaq platforma müəyyənləşməli;

2. Güneyin dəqiq etnik-ərazi xəritəsi bəlli olmalı;

3. Güney Azərbaycan türklərinin təmsil edəcək və beynəlxalq təşkilatlarla adından danışa biləcək, bütün partiya və təşkilatların dəstəyi ilə seçilən Milli Şura olmalıdır( Necəki 1988-92-ci illərdə mövcud olan AXC tipli təşkilatı misal göstərə bilərik).

"İranın gələcək müqəddaratı ilə bağlı danışıqlarda bu şura üzvləri ABŞ-la danışıqlar masasında oturmalı və güneyin istəklərini dilə gətirməlidirlər"-deyə, mərkəz rəhbəri söylədi.

Elnur Eltürk