Problem həll olunsa tərəflər arasında daha tez ünsiyyət qurular

“Xalq diplomatiyası ilə biz ancaq məsələnin sülh yoluna yönəlməsini sürətləndirə bilərik”. “Vətəninfo.az”ın məlumatına görə bunu millət vəkili, «Azərbaycan Respublikası Dağlıq Qarabağ bölgəsinin azərbaycanlı icması» İctimai Birliyinin idarə heyətinin üzvü Rövşən Rzayev deyib. Rövşən Rzayev bildirib ki, bu diplomatiya bir tərəfdən icmalar arasında itirilmiş etibarı, münasibətləri bərpa edə bilər. Onun sözlərinə görə, bununla gələcəkdə problem həll olunduqdan sonra tərəflər arasında daha tez ünsiyyət qurula bilər. 

“Amma xalq diplomatiyası o demək deyil ki, münaqişənin nizamlanmasını biz həll edə bilərik. Bu diplomatiya sülh müqaviləsini həll edəcək deyil, təəssüf ki, indi çoxları məsələyə belə don geyindirirlər. Bizim missiyamızın məqsədi odur ki, əgər icmalararası, xalqlararası münasibətlər köhnə münasibətlərə qayıtsa, o zaman bu, problemin həllindəki fəaliyyətdə çox böyük rol oynaya bilər”- deyə deputat vurğulayıb.

kenan