“Putin alyansla AB-ni parçalamaq istəyir”

“Putin Rusiyanın Şimali Avropadakı hərbi varlığını artırmaqla və bölgə dövlətlərini infrastruktur layihələrinə cəlb etməklə bəzi ölkələri Avropadan qoparmağa çalışır”.

Vətəninfo.az Axar.az-a istinadən xəbər verir ki, bu açıqlama ilə NATO-nun birləşmiş silahlı qüvvələrinin baş komandanı, amerikalı general Filip Bredlov çıxış edib. O, Rusiyanın Avropanın təməl prinsiplərinə meydan oxuduğunu bildirib:

 “Putin Rusiyanın Şimali Avropadakı hərbi varlığını artırmaqla və bölgə dövlətlərini infrastruktur layihələrinə cəlb etməklə bəzi ölkələri Avropadan qoparmağa çalışır. Putin iqtisadi olaraq Avropa Birliyi ilə, hərbi olaraq da NATO ilə məşğul olmaq istəmir. Dolayısı ilə seçdiyi yolların bir çoxu əslində AB ilə NATO-nu parçalamaq üçündür. Əgər bu iki təşkilatı bölməyi bacarsa, ehtiyac duyduğu hər şey əslində əlinə gəlmiş olacaq”.