Putinin çıxışını yayan telekanal cəzalandırıldı

Ukraynanın televiziya və radio yayımı üzrə Milli şurası dekabrın 4-də Rusiya prezidenti Vladimir Putinin Rusiya Federal məclisinə müraciətini canlı yayım rejimində translyasiya etdiyinə görə "Espresso TV" telekanalına xəbərdarlıq edib.

Telekanalın internet saytında yerləşdirilmiş məlumata əsasən, Milli Şura hesab edir ki, Putinin çıxışı millətlərarası ədavəti qızışdırır.

Telekanalın keçmiş başçısı deputat Vadim Denisenko isə bu hadisə ilə bağlı bildirib ki, bundan sonra rusiya mediasının Ukraynanı senzuranın tətbiqində ittiham etməyə əsası olacaq.