Qabil Hüseynli:"İran Xəzərin hüquqi statusu məsələsinin həllini gecikdirir"

Bu məsələyə əsas mane olan tərəf İrandır. Rusiya bu məsələlərdə əvvəllər sanki razılığa gəlmişdi. Son zamanlar isə Rusiya Xəzərin hüquqi statusu məsələsini  bu bölgədəki arqumentlərindən birinə çevirib. Bu sözləri “Veteninfo.az”a politoloq Qabil Hüseynli Xəzərin hüquqi statusu məsələsinin həllinin gecikdirilməsinə münasibət bildirirkən qeyd edib. Onun sözlərinə görə, Rusiya buna birinci müqavilədə öz razılığını versə də, hazırda  Xəzərin ekologiyası məsələsini problem olaraq qaldırır. Və göstərir ki, beş  dövlətin icazəsi olmadan ekoloji problemlər yarada biləcək məsələləri yalnız bu ölkələrin  razılığı əsasında  həyata keçirmək olar.

Rusiyanın  mövqe dəyişikliyinə əsas səbəbin  ilk növbədə Türkmənistan qazının Avropaya ötürəcək  Transxəzərqaz boru kəmərinin çəkilişi ilə əlaqədar olduğunu vurğulayan politoloq qeyd etdi ki,  Avropa İttifaqı bu məsələdə Türkmənistanı dəstəkləyir. “Ruslar cin atına minib. Həm özləri bu məsələyə  açıq sürətdə  müdaxilə edirlər,  bir tərəfdən də Lavrovun səfəri zamanı bu özünü açıq şəkildə büruzə verdi. İrəliləyiş yoxdur, üstəlik bu məsələni mürəkkəbləşdirəcək yeni məqamlar ortaya çıxıb". 

Qabil Hüseynli onu da bildirdi ki,  İran ümumiyətlə,  Xəzərin statusunun bölünməsi və hər dövlətə nə qədər sahənin düşməsi haqqında tamamilə absurd bir ideya yayıb. İran göstərir ki, Xəzərin suları beş dövlət arasında hamıya 20 faiz olmaqla bərabər  sürətdə bölünmür.

Ramilə