'Qanunlarımızın aliliyinə tərəddüdlə yanaşılır'- Sahil Babayevə ŞİKAYƏT

"Qanunlarımızın aliliyinə tərəddüdlə yanaşılır"- Sahil Babayevə ŞİKAYƏT

Tarix: 31.10.2018 10:13
Baxış sayı: 1432

Xocalı rayonundan məçburi köçkün Əzimov Qədir Həsənbala oğlu tərəfindən Miq.Az-a daxil olmuş şikayət ərizəsini oxuculara təqdim edirik:

Əmək və Əhalinin Sosial Müdafiəsi Naziri

Cənab Sahil Babayevə

Sürəti:

Ədliyyə Nazirliyi İcra Baş İdarəsinə

Əmək və Əhalinin Sosial Müdafiəsi Nazirliyi yanında Dövlət Tibbi Sosial Ekspetiza və Reabilitatsiya xidmətinin rəisi

İlqar Qurbanova.

Şikayət ərizəsi

Bildirmək istəyirəm ki, Əmək və Əhalinin Sosial Müdafiəsi Nazirliyi yanında Dövlət Tibbi Sosial Ekspetiza və Reabilitatsiya xidmətinin rəhbərliyi biz əlil insanlara qarşı süründürməçilik edir, bəzi vəzifəli şəxslər buna göz yumaraq haqsızlıq edirlər. Belə ki, məhkəmə qəbzindən görünür ki, cavabdeh tərəfindən 06.08.2018-ci il tarixdə 2-(81)-3251/2018 saylı məhkəmə qərarını 17 avqust 2018-ci il tarixdə imza edərək qəbul etmişdir və bu barədə 06.08.2018-ci il tarixdə 2-(81)-3250/2018 saylı məhkəmə qərarı 17.09.2018-ci il tarixdə qanuni qüvvəsini aldığından 18.09.2018-ci il tarixli məktubla icra edilməsi üçün Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Tibbi Sosial Ekspetiza və Reabilitatsiya xidmətinə göndərilmişdir.

Lakin Azərbaycan Respublikası adından qanuni qüvvəsini almış məhkəmə qərarı icra edilməyərək dolayı yollarla qanunlarımızın aliliyinə tərəddüdlə yanaşılır, belə haqsızlıq ədalətsizlik olmaz, axı biz əlillər, vetertanlar sağlamlığımızı itirməsək, vətənimiz Azərbaycanı müdafiə etməsək, vətən müdafiəsində Ümimilli Liderimiz Heydər Əliyevə sadiq olmasaq, bu gün bu kimi gözəl Azərbaycanımız olmazdı.

Xahiş edirəm ki, Azərbaycan Respublikası adından çıxarılan, qanuni qüvvəsini alan məhkəmə qərarını icra edəsiniz və 2-ci qrup müddətsiz Azərbaycan Respublikasının ərazi bütövlüyünün müdafiəsi ilə əlaqədar əlillik təyin edilməsini Əmək və Əhalinin Sosial Müdafiəsi nazirliyi yanında Dövlət Tibbi Sosial Ekspetiza və Reabilitatsiya xidmətinə ciddi göstəriş verəsiniz.