Qazax sement zavodunda 1500-dək yeni iş yeri açılacaq

“Akkord” şirkəti Qazax rayonunda sement zavodu inşa etməklə iqtisadiyyatın bu mühüm sahəsinin inkişafına töhfəsini verəcəkdir. “Vətəninfo”nun məlumatına görə, bunu “Akkord Sənaye Tikinti İnvestisiya Korporasiyası” ASC-in baş direktoru Xaqani Quluzadə mətbuata  açıqlamasında  bildirib. X.Quluzadə bildirib ki, sement zavodunun istismarı iki mərhələ üzrə həyata keçiriləcək. Birinci mərhələdə -2012-ci ilin mayında sement istehsalı və onun qablaşdırılması xətti istismara veriləcəkdir. Cari ilin ikinci yarısında isə klinker və xammal xətləri istifadəyə hazır olacaqdır. Müəssisə tam işə düşdükdən sonra burada 1000-1500 yeni iş yeri açılacaqdır. Zavodun texniki –iqtisadi əsasnaməsi dünyanın tanınmış audit və konsaltinq şirkəti Deloitte and Touche LLC tərəfindən hazırlanıb.