Qəpik dövriyyədən yığışdırılır – Açıqlama

“200 və 500 nominalda əsginasların dövriyyəyə buraxılması yeni bir layihədir və hökümətin müvafiq qərarından sonra həyata keçiriləcək”

Bu barədə “Vətəninfo.az”a iqtisadçı, ekspert Aydın Hüseynov bildirib. Onun sözlərinə görə, böyük nominalda pulların dövriyyə buraxılması əhalinin alıcılıq qabiliyyətinin göstəricisi olmaqla yanaşı, iqtisadiyyatın da inkişafı deməkdir:
“Hazırda əksər ticarət şəbəkələrində, xidmət sahələrində ödənişlər plastik kartlar vasitəsilə həyata keçirilir. Bu hal isə, xırda pullara , kiçik nominalda olan əsginaslara ehtiyac qalmayacağını göstərir”.
“Günü-gündən kiçik əsginaslara tələbat azalır” - deyən ekspertin sözlərinə görə, yaxın bir müddətdə plastik kartdan istifadə insanlar üçün adi hal olacaq:
“Bu da onun nəticəsidir ki, böyük əsginasların dövriyyədə olması lazım olacaq. Odur ki, bu gün 200-500 nominalda olan əsginasların dövriyyəyə buraxılması zəruri hal kimi qiymətləndirilir”.
A.Hüseynov onu da vurğuladı ki, dövriyyədə böyük nominalda əsginasların olması, qəpik kimi kiçik nominallı pullara tələbatı azaldacaq.

Mirvari Nəcəf