Qərb Əli Həsənovun getməsini niyə istəyir?

Son bir neçə aydır müxalifətin hakimiyyətlə bağlı ortaya qoyduğu iddialarla bağlı sualları daha çox Prezident Adminstrasiyasının (PA) İctimai-Siyasi Şöbəsinin müdiri Əli Həsənov cavablandırır. Bütün bunlara baxmayaraq, hakimiyyətdəki bir sıra qruplar Ə. Həsənovun ortaya qoyduğu mövqe ilə barışa bilmirlər. “Vətəninfo.az”a etibarlı mənbələrdən daxil olan məlumata görə, bu qruplaşmalar əslində Ə.Həsnovun səsləndirdiyi fikirlərin yumşaq olduğunu bəhanə edirlər. Əsl məqsəd onun hakimiyyət daxilində gücünün getdikcə artmasını önləməkdir. Bilindiyi kimi, son dövrlərdə Ə.Həsənov bir sıra iri media orqanlarını nəzarət altına alıb.

Mənbənin sözlərinə görə, PA rəsmisi təkcə daxili qruplaşmaların yox, həmçinin də qərbin hədəfindədir. Daxildəkilərdən fərqli olaraq qərb onun fikirlərinin daha kəskin olduğunu düşünür.

Bütün bunların fonunda hakimiyyətin qərbin və daxildəkilərin maraqlarını təmin etmək üçün Ə.Həsənovu qurban verəcəyi deyilir. Yaxın günlərdə O, vəzifəsini itirə bilər.