Qorbaçovla bağlı Nobel Komitəsinə müraciət ünvanlandı

Niderland Azərbaycan Gənclər Cəmiyyəti Qorbaçovla bağlı Nobel Komitəsinə müraciət ünvanlayıb.

Bu barədə “Vətəninfo.az”a Azərbaycan Niderland Gənclər Cəmiyyətinin (AZJN) mətbuat xidmətindən bildiriblər.

Qurumun yaydlığı press-relizi olduğu kimi təqdim edirik:

“Azərbaycanlı gənclər Qorbaçova verilən Nobel Sülh Mükafatını geri götürülməsini tələb edirlər. Haaqa (Niderland) - Azərbaycan Niderland gənclər cəmiyyəti (AZJN) Nobel Komitəsinə müraciət edib ki, Mixail Qorbaçova verilən Nobel Sülh Mükafatı geri götürülsün.

Gənclər cəmiyyəti bildirib ki, keçmiş Sovetlər Birliyinin prezidenti Qorbaçovun fəaliyyəti, Nobel Sülh Mükafatına layiq deyil. Qorbaçov 1990-cı ilin yanvarında Bakıda baş verən qanlı hadisələrin səbabkarlarından ən əsası idi. Sülh Mükafatının məhz 1990-cı il üçün verilməsi heç ağla sığılmaz bir məsələdir. Həmçinin keçmiş Sovet prezidenti oxşar faciələrin SSRİ-nin başqa respublikalarında (Qazaxstan, Gürcüstan, Latviya və Litva) baş verməyinə cavabdehdir. Nobel komitəsinin Sülh Mükafatına seçdikləri namizədlərə görə artıq şübhəli reputatsiyası var. “Misal üçün, Henry Kissinger və Yassir Arafat heçdə sülhpərəst insan deyildilər” deyərək cəmiyyətin mətbuat katibi dəqiqləşdirdi. 

Azərbaycan Niderland gənclər cəmiyyətinin (AZJN) məqsədlərindən biri Niderlandda yaşayan Azərbaycanlı gənclərinin güclü şəbəkəsini yaratmaq və inkişaf etdirməkdir. 

Sual ve informasiya üçün AZJN ilə əlaqə qura bilərsiniz:

Website: www.azjn.nl

E-mail: [email protected]/* */

Tel: 0031610927558