" Xocalı aeroportundan uçuşlara yol verilməyəcək”

Novruz Məmmədov: "Beynəlxalq Mülki Aviasiya Təşkilatı bilir ki, bu yolverilməzdir "

“Ermənilərin Xocalı aeroportunu istifadəyə verməsi cəhdləri danışıqlar prosesinə mənfi təsir göstərir”. Vətəninfo.az-ın  APA-ya istinadən məlumatına görə, bunu jurnalistlərə açıqlamasında Azərbaycan Prezident Administrasiyası rəhbərinin müavini Novruz Məmmədov deyib.

 Onun sözlərinə görə, bütün beynəlxalq ictimaiyyət, o cümlədən Beynəlxalq Mülki Aviasiya Təşkilatı bilir ki, bu yolverilməzdir və Azərbaycanın ərazi bütövlüyünə ziddir: “Lakin onlar bununla bağlı hələ ki, qəti mövqe göstərmirlər”.

 N.Məmmədov Azərbaycan hökumətinin bu məsələ ilə bağlı öz mövqeyini dəfələrlə bəyan etdiyini xatırladıb: “Biz bu mövqeyimizdən heç vaxt geri çəkilməyəcəyik və Xocalı aeroportundan uçuşlara yol verilməyəcək”.

Vətəninfo.az