"Azərbaycanın bütün sahələrdə hər bir uğuru və nailiyyəti göz qabağındadır"

Azərbaycan bütün sahələrdə inkişafa nail olur və öz missiyasını uğurla aparmaqdadır. Bu il bunun şahidi olacağıq.

Bu sözləri "Veteninfo.az"-a Türkiyə Böyük Millət Məclisinin üzvü, Qara Dəniz İqtisadi Əməkdaşlıq Təşkilatı Parlament Assambleyasında Türkiyə nümayəndə heyətinin rəhbəri Dr. İsmayil Safi bildirib.

“Azərbaycanın bütün sahələrdə hər bir uğuru və nailiyyəti göz qabağındadır. Bu, kənardan daha açıq və aydın görünür. Azərbaycanın güclənməsi Cənubi Qafqazda mövqelərinin güclənməsi deməkdir. Eyni zamanda, bu, Türkiyənin maraqlarının güclənməsinə gətirib çıxarır.

İnanırıq ki, bu il Qarabağ münaqişəsinin həlli ilə bağlı irəliləyiş olacaq. Çünki, münaqişə öz həllini tapmalıdır ki, Ermənistan dünyaya açılmalıdır. Yoxsa, münaqişənin həllinin uzanması Ermənistan üçün çox çətin olacaq. Erməni siyasətçiləri bir şeyi bilməlidirlər ki, güclənən və inkişaf edən Azərbaycanla əlaqələrinin qurulması onların özləri üçün yaxşı olardı və unudulmamalıdır ki, bu sadə ermən xalqının rifahının güclənməsinə gətirib çıxara bilər” - deyə İsmayil Safi qeyd edib.

Elnur Eltürk