"Bu hadisənin meydana gəlməsi səbəbini anlamağa çalışırıq"

İranın beş patrul kateri Bəsrə körfəzində Sinqapur bayrağı altında üzən gəmiyə xəbərdarlıq atəşi açıb.
Vətəninfo.az-ın məlumatına görə, "Report" "Anadolu" agentliyinə istinadən xəbər verir ki, bunu ABŞ Müdafiə Nazirliyinin sözçüsü Elis Smit bildirib.
Onun sözlərinə görə, açılan atəşdən sonra Sinqapur gəmisi Birləşmiş Ərəb Əmirliyi istiqamətində hərəkət edib: "Həmin gəmidə ABŞ vətəndaşları olmayıb".
Dövlət Departamentinin sözçüsü Cef Ratki də bu məsələyə münasibət bildirib: "Hörmüz və Babül-Məndəb boğazları arasındakı beynəlxalq sularda ticarət və səyahət gəmilərinin sərbəst hərəkətinə mane olan hər olay bizi qayğılandırır. Bu hadisənin meydana gəlməsi səbəbini anlamağa çalışırıq".