"Ermənistanın işğalı altında olan bütün torpaqlar azad ediləcək”

Türkiyə prezidenti Abdullah Gül ölkənin İğdır vilayətinə səfəri çərçivəsində bölgənin və Qafqazın gələcəyinə dair jurnalistlərə açıqlama verib.

"Vətəninfo.az"ın məlumatına görə, A. Gül bildirib ki, Qafqazda daimi sülhün təmin olunması üçün çox çalışırlar: “İnşallah, Azərbaycanın Ermənistanın işğalı altında olan bütün torpaqları azad ediləcək, qarşılıqlı olaraq keçmişdə baş verənlər unudulacaq və gələcəyə birlikdə baxılacaq. İnşallah, Qafqazda daimi sülhü təmin etdiyimizdə bölgə bütün Asiya ilə Avropa arasında çox böyük bir qapı vəzifəsini yerinə yetirəcək. Artıq bunun qoxusunu alan hər kəs bura yavaş-yavaş gəlməyə başlayıb”.