"Neftçi" "Xəzər Lənkəran"a, "İnter" "Sumqayıt"a qarşı

Bu gün Azərbaycan Premyer Liqasında V turun növbəti oyunları keçiriləcək.

Qol.Az-ın məlumatına görə, ikinci oyun günündə daha 4 qarşılaşma baş tutacaq.

Paytaxtın "İnter" klubu doğma meydanda Sumqayıtın eyniadlı komandasını qəbul edəcək. Ötən turda səfərdə "Turan"a 3:2 hesabı ilə qalib gələn "bankirlər" bu görüşdə də 3 xalı hədəfləyir.

Digər oyun Gəncədə baş tutacaq. Burada yerli "Kəpəz" klubu "Qəbələ" ilə qarşılaşacaq. Hazırda 7 xalla turnir cədvəlinin 3-cü pilləsində qərarlaşan "Qəbələ"ni bu görüşdə 3 xal razı salacaq. "Kəpəz" isə mövsümdə ilk xalını qazanmağa çalışacaq.

Turun mərkəzi qarşılaşması Bakıda keçiriləcək. Burada əzəli rəqiblər - "Neftçi" və "Xəzər Lənkəran" klubları üz-üzə gələcək. Bu mövsüm Avropa Liqasında mübarizə aparacaq "ağ qaralar" ölkə çempionatında da uğurlu çıxışını davam etdirmək niyyətindədir.