""Siyasi partiyalar haqqında qanun" yarımçıqdır"

ƏLİ ORUCOV: "PARTİYALARIN YARADILMASI MƏSƏLƏSİ, TƏLƏB OLUNAN ÜZVLƏRİN SAYI DA MÖVCUD ŞƏRTLƏRƏ UYĞUN DEYİL"

Milli Məclisin Hüquq siyasəti və dövlət quruculuğu komitəsindən mətbuata verilən məlumata görə, “Siyasi partiyalar haqqında” qanun layihəsi parlamentdə müzakirəyə çıxarılacaq. Komitədən bildirilib ki, qanun layihəsinin ilkin variantı aprelin 10-da Parlamentin Hüquq siyasəti və dövlət quruculuğu və eləcə də İnsan Hüquqları komitəsinin birgə iclasında müzakirə olunacaq. AMİP-in mətbuat və təbliğat katibi Əli Orucov Vətəninfo.az"-a eksklüziv açıqlamasında bildirdi ki, bu qanunda çatışmayan xüsusatlar kifayət qədərdir. Onun sözlərinə görə, partiyaların dövlət büdcəsindən maliyyələşməsindən tutmuş bağlanmasına qədər bütün maddələr yarımçıqdır: "Maliyyələşmənin hansı kriteriyalarla həyata keçiriləcəyi hələ də dəqiqləşməyib. Partiyaların yaradılması məsələsi, tələb olunan üzvlərin sayı da mövcud şərtlərə uyğun deyil. Rusiyada 500 üzv tələb olunursa, Azərbaycanda bu 1000 nəfərdir və bu rəqəmi hələ artırmaq da istəyirlər. Qısası, mən bu qanundan pozitivlik gözləmirəm. Amma bunula belə hesab edirəm ki, Siyasi partiyalar haqqında qanunun qəbuluna ciddi ehtiyac var".

Rövşən Ziya