Ramzan Kadırov: "İŞİD-in gürcü lideri öldürüldü"

Rusiyanı və Çeçenistanı hədələyən İŞİD-in komandirlərindən olan gürcü əsilli Ömər Şişani kimi tanınan Tarhan Bataraşvili öldürülüb.

Vətəninfo.az-n məlumatına görə, bu barədə Çeçenistan Respublikasının Prezidenti Ramzan Kadırov açıqlma verib.

"Özünü Ömər Şişani kimi təqdim edən İslam düşməni Tarhan Bataraşvili öldürüldü. Rusiya və Çeçen xalqını hədələyən hər kəsi bu aqibət gözləyir", - Ramzan Kadırov instagram səhifəsində yazıb.

Qeyd edək ki, Ramzan Kadırov Rusiya və Çeçenistanı hədələyən Ömər Şişaninin göründüyü yerdə öldürüləcəyini bildirmişdi. Amma Kadırov öz qeydində terrorçunun harada və necə öldürüldüyünü yazmayıb.