“Rusiya Azərbaycanın hər bir layihəsinə qısqanclıqla yanaşır”

Rusiya onsuz da Azərbaycanın hər bir layihəsinə qısqanclıqla yanaşır, əsas olaraq Avropa Birliyinə daxil olan ölkələrinə "Qazprom" vasitəsilə "siyasi və iqtisadi" təzyiqini saxlamaq prioritet dövlət siyasəti olaraq qalır. 

Bu sözləri “Veteninfo.az”-a sabiq millət vəkili, tanınmış iqtisadçı Nazim Məmmədov TANAP layihəsi ilə bağlı fikirlərini şərh edərkən bildirib:

“Azərbaycanın Türkiyə ilə birlikdə həyata keçirəcəyi TANAP layihəsi də bu sıradandır. Ancaq Azərbaycanın Avropa bazarına kifayət qədər qaz verə bilməyəcəyini bilən Rusiya təzyiqini daha çox öz qaz borularını diversifikasiya edərək, alternativ marşrutlar yaradaraq, çox məharətlə həyata keçirir.

Fikrimcə, əsas mübarizə Azərbaycan qazı ilə deyil, Türkmənistan və ümumilikdə Orta Asiya ölkələrinin karbohidrogen ehtiyatlarının Azərbaycan-Gürcüstan-Türkiyə üzərindən Avropaya çatdırılmasına qarşı yönəlib” - deyə sabiq millət vəkili qeyd edib.

Elnur Eltürk