1. Miq.az
  2. Sabiq nazir amnistiyaya düşür?-"Məqsədimiz onun bəraət almasıdır”

Sabiq nazir amnistiyaya düşür?-"Məqsədimiz onun bəraət almasıdır”

Sabiq nazir amnistiyaya düşür?-
Tarix: 21.05.2016 11:38
Baxış sayı: 1487


Azərbaycanın sabiq xarici iqtisadi əlaqələr naziri Nicat Quliyevin barəsində olan hökmdən verdiyi kassasiya şikayəti üzrə məhkəmə mayın 25-də keçiriləcək.

Bu barədə Modern.az saytına məlumat verən vəkil Əfqan Məmmədov sabiq nazirin saxlanma şəraitindən hər hansı şikayəti olmadığını deyib: "İş baxılması üçün Ali Məhkəmənin hakimi Əli Seyfullayevin icraatına verib.”.

Ə.Məmmədov eyni zamanda onun amnistiyaya düşmə ehtimalından da danışıb:

"Mənim qənaətimə görə, aktın bəzi maddələrinə görə Nicat Quliyev amnistiyaya düşmür. Onsuz da avqust ayının 7-də onun həbs müddəti bitir və azadlığa çıxacaq. Məqsədimiz onun bəraət almasıdır”.

N.Quliyev 2013-cü il avqustun 7-də keçmiş Milli Təhlükəsizlik Nazirliyinin (MTN) əməkdaşları tərəfindən həbs edilib. O, qanunsuz odlu silah saxlamaqda təqsirli bilinib. Abşeron Rayon Məhkəməsinin hökmü ilə N.Quliyev 3 il müddətinə azadlıqdan məhrum edilib.

Onu da qeyd edək ki, Nicat Quliyev 1993-95-ci illərdə Azərbaycanın xarici iqtisadi əlaqələr naziri olub.  O, 2005-ci ildə dövlət çevrilişinə cəhddə ittiham olunsa da, azadlığa buraxılmışdı. 

Miq.az



Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az