Səudiyyə Ərəbistanında məscid partladılıb

Səudiyyə Ərəbistanının Əş-Şarkiyə əyalətində yerləşən İmam Əli şiə məscidində güclü partlayış baş verib. Hadisə nəticəsində onlarla insan həyatını itirib.
Vətəninfo.az-ın məlumatına görə, AZƏRTAC TASS informasiya agentliyinə istinadla xəbər verir ki, hadisə zamanı məsciddə 150 nəfərədək insan cümə namazına toplaşıbmış. Həlak olanların sayının artacağı istisna edilmir. Terror aktını kamikadzenin törətdiyi bildirilir.
Səudiyyə Ərəbistanının digər bölgələrindən fərqli olaraq, ölkənin şərqində yerləşən Əş-Şarkiyə əyalətində yaşayan əhalinin əksəriyyəti şiədir.