Siyasi partiyalara müjdə

“Siyasi partiyalar haqqında” qanun layihəsi yaxın vaxtlarda Milli Məclisdə müzakirəyə çıxarılacaqdır

“Siyasi partiyalar haqqında” qanun layihəsi yaxın vaxtlarda Milli Məclisdə müzakirəyə çıxarılacaqdır.  “Vətəninfo”nun məlumatına görə, bunu Milli Məclis Aparatının rəhbəri Səfa Mirzəyev AzərTAc-a açıqlamasında bildirib. Aparat rəhbəri bildirib ki,ciddi dəyişikliklərdən sonra yenidən qəbul olunacaq qanun layihəsi artıq hazırdır. Yeni layihədə partiyaların dövlət büdcəsindən maliyyələşdirilməsi məsələsi də nəzərdə tutulub. Qanun layihəsində partiya yaratmaq üçün minimum 5 min imzanın toplanılması əsas şərtlərdən biri olacaqdır. S. Mirzəyev qeyd edib ki,qanun layihəsi Venesiya Komissiyasında da müzakirə olunub.Artıq 1992-ci ildə qəbul olunan “Siyasi partiyalar haqqında” Qanun günün tələblərinə cavab vermir. Ona görə də yeni qanun layihəsi hazırlanıb.