“Space" və “Lider” televiziyalarına yeni rəhbər gəlir!

Azərbaycanda “Evrovision-2012” mahnı müsabiqəsindən sonra media sahəsində ciddi islahatlar keçiriləcək.

Bu islahatların əsasını isə ölkə telekanallarının rəhbərliklərinin dəyişdirilməsi və proqram siyasətinin yenidən müəyyən edilməsi təşkil edəcək.
Etibarlı mənbələrdən “Vətəninfo.az”a daxil olan məlumata görə, yeni yayım dönəmindən etibarən tanınmış rejissor Mehriban Ələkbərzadə “Space” televizyasına rəhbərlik edəcək. Artıq bu istiqamətdə ciddi hazırlıq görülür. “Space”in hazırkı rəhbəri Vaqif Mustafayev isə Kinomotoqraflar Birliyinin sədri təyin ediləcək.
Daha bir rəhbər dəyişikliyi isə “Lider” televiziyasında baş verəcək. “Lider”ə bir zamanlar bu telekanalda çalışan, hazırda millət vəkili olan Etibar Hüseynovun gətiriləcəyi deyilir.