“Şuşanın işğalında şəxsən Səfər Əbiyev məsuliyyət daşıyır”

“Şuşanın işğalında şəxsən Səfər Əbiyev məsuliyyət daşıyır”.

Bu sözləri “Vətəninfo.az”a hazırda İsveçdə yaşayan Azərbaycanın Milli Qəhrəmanı, polkovnik-leytenant Şahin Tağıyev bildirdi: 

“Bu gün hamı Rəhim Qazıyevi ittiham edir və onu gunahlandırır. Halbuki, Şuşanın işğalında o vaxtkı qərargah rəisi Şahin Musayevin rolunu demək istəmirlər. Şuşanın işğalından sonra o Rusiyaya qaçdı və general-leytenant rütbəsi aldı. İndi niyə Rəhimin üstünə atırlar, bunu mən bilmirəm. Şahin Musayevin müavini indiki Müdafiə Naziri Səfər Əbiyev idi. Şuşanın qorunması planına şəxsən Səfər Əbiyev məsuliyyət daşıyırdı. Bu faktı xalqımız unutmasın. Bir dəfə müharibədə iştirak etməyən Səfər Əbiyev indi general-polkovnikdir. Hansı xidmətlərinə görə? Bu gün muharibədə kişi kimi döyüşmüş general Lənkəran Əliyevə cinayət işi açır. Mən, Lənkəran Əliyevlə çiyin-çiyinə döyüşmüşəm. Ümumiyyətlə, keçmiş döyüşçülərə nə hakimiyyət, nə də müxalifət tərəfindən qiymət verilmir”. - deyə, Şahin Tağıyev bildirib.