Publika.az-ın məlumatına görə, bu sözləri millət vəkili Tahir Kərimli Milli Məclisin bugünkü plenar iclasında çıxışı zamanı deyib.

O, yeni hökumətdən bu məsələyə nəzarətin gücləndirilməsini xahiş edib:

"İstirahət və bayram günlərində fəhlələr işlədiləndə onlara əmək haqqı "qara siyahı” ilə verilir. İnsanlar iş vaxtından artıq işləməyə məcbur olurlar. Nəticədə vergilər dövlətə gəlmir, dövlət varlı olmur, əməkhaqqı, pensiyalar kifayət qədər artmır. Yeni hökumətdən xahiş edərdim ki, buna ciddi şəkildə nəzarət edilsin. Nə vaxta qədər buna dözəcəyik? Tarix kitablarında oxuyurduq ki, vəhşi kapitalizm dövründə insanlar səkkiz saatlıq iş uğrunda mübarizə aparırdı. Fəhlələr 12-15 saat işləməyə məcbur olurlar. Lakin ailələrini dolandırmaq üçün etiraz da edə bilmirlər. Bu gün ölkədə vergi, maliyyə intizamı lazımdır”.