“Titanik” 120 min dollara satılıb

14 aprel 1912-ci ildə batan “Titanik” gəmisinin menyusu Britaniyanın Uiltşir qraflıgında keçirilən auksionda 76 min funt-sterlinqə (təxminən 120 min dollar) satılıb. Menyuda 40-a yaxın yemək çesidi yer alıb. Məşhur gəminin menyusunu San-Fransiskodan olan bankirin faciə zamanı xilas olmuş həyat yoldaşı təsadüfən çantasına qoyubmuş. Xanım oglu ilə bərabər qayıqlardan birinə minərək xilas olmuşdu.

Gəmidəki otaqlardan birinin açarları isə 59 min funt-sterlinqə (94 min dollar) satılıb. “Henry Aldridge & Son” vaxtaşırı “Titanik”lə baglı auksionlar təşkil edir. Faciənin 100-illiyinə həsr olunmuş auksionda bu dəfə “Titanik”in taleyini təkrarlayan və gəminin “qardaşı” sayilan “Olimpik” laynerindən də xilas olmuş əşyalar satılıb. 

Xatırladaq ki, “Titanik” gəmisi “Uayt Star Layn” kompaniyasının üç “Olimpik” tipli əkiz gəmisindən ikincisidir. İlk səyahəti zamanı 1912-ci ilin aprel ayının 14-də gəmi nəhəng buz parçasına çırpılaraq 2 saat 40 dəqiqə ərzində tam batıb (“Veteninfo.az”).