«Transxəzər layihəsi ilə bağlı Türkmənistana təzyiqlər göstəriləcək»

«Transxəzər layihəsinin reallaşdırılmasında Azərbaycandan çox Türkmənistana təzyiqlər göstəriləcək. Çünki Aşqabaddan fərqli olaraq Bakı dünya bazarlarına müstəqil çıxışlara malikdir» . “”Vətəninfo.az”ın məlumatına görə, bu fikirləri Avropanın energetika sahəsindəki eksperti Borut Qrjiç səsləndirib. Onun sözlərinə görə, İran hazırda hansısa layihənin qarşısını almaq iqtidarında deyil: «Çünki onun real təzyiq imkanları yodur. Hazırda İran beynəlxalq gərginliyin artdığı bir vaxtda qonşuları ilə sabit və səmərəli əməkdaşlığa ciddi ehtiyac duyur. Rusiyanın mövqeyi barədə isə nəsə demək bir qədər çətindir. Çünki onun ekoloji təhlükəsizliklə bağlı səsləndirdiyi fikirlər yetərli və əsaslı arqument sayıla bilməz. Bu sadəcə diplomatik gedişdir». Ekspert vurğulayır ki, Transxəzər layihəsinin reallaşdırılması üçün ciddi siyasi iradəyə ehtiyac var və bu siyasi iradə Türkmənistan tərəfindən göstərilməlidir.  Qeyd edək ki, keçən həftə Rusiyanın energetika nazirinin müavini Anatoli Yanovski növbəti dəfə ölkəsinin Transxəzər layihəsi ilə bağlı mövqeyini açıqlayıb. O bildirib ki, istənilən layihənin reallaşdırılması zamanı beynəlxalq hüquq normalarına əməl edilməlidir. Xəzərin hüquqi statusu müyəyyənləşmədiyi və yekun sazişin imzalanmadığı bir halda sahilyanı iki dövlətin Avropa Birliyinin dəstəyi ilə bu layihəni reallaşdırmaq istəyi beynəlxalq hüquq normalarına ziddir. 

Azad