Tunisdə prezident məğlub oldu

Tunisdə keçirilmiş ilk azad prezident seçkilərində Moncef Marzouki məğlubiyyətini tanımaqdan imtina edib.

Vətəninfo.az xəbər verir ki, səsvermədən sonra keçirilmiş exit-poll nəticələrinə əsasən, seçkidə Beji Caid Essebsi qalib gəlib. Keçid dövrü üçün prezident səlahiyyətlərini yetrinə yetirmiş keçmiş mühacir deyib ki, rəqibinin qələbəsinin elan edilməsi "qeyri-demokratik" olub.

88 yaşlı Beji Caid Essebsi tərəfdarları onun ilkin məlumatlara görə qələbə çalmasını bayram xəbəri kimi qarşılayıblar.

Beji Caid Essebsi seçki başa çatdıqdan sonra ilk çıxışnda bütün tunislilərə müraciət edərək "hamını birgə çalışmağa" çağıraraq ölkədə sabitliyin bərqərar olacağını vəd edib.

Tənqidçilər onun qələbəsini özünü gözdən salmış hökümətin geri qayıtması kimi qiymətləndiriblər.

Səsvermənin rəsmi nəticələrinin bazar ertəsi axşam elan olunacağı gözlənilir. Exit-pollardan birinə görə Beji Caid Essebsi 55.5% səs toplayıb, bir neçə digər exit-polların nəticələri də həmin rəqəmə yaxındır.