Türkiyə Güney Azərbaycanlı milli fəalı İrana verir

Bir neçə gün öncə Güney Azərbaycanlı milli fəalı Abolfazl Amini Radın Azərbaycan dövləti tərəfindən saxlandığı və İrana deportasiya ediləcəyi barədə xəbər yayılmışdı. Lakin Güneyli milli fəalın saxlanması xəbəri təsdiqini tapmayıb. Etibarlı mənbələrdən “Vətəninfo.az”a verilən məlumata görə, Abolfazli artıq Bakını tərk edərək Türkiyəyə gedib. Bundan xəbər tutan İran hökuməti milli fəalın ölkəsinə deportasiya edilməsi ilə bağlı rəsmi Ankaraya müraciət edib.
Qeyd edək ki, Abolfazl Amini Rad üç ildən artıqdır ki, siyasi qaçqın kimi Bakıda yaşayırdı. O, İranda Türklərin milli və mədəni haqlarının qoruması haqda illərdir fəaliyyət göstərir ki, bu fəaliyyətlərin nəticəsində 4 il öncə Təbrizin inqilab məhkəməsi tərəfindən 5 il həbs və 75 zərbə qamçıya (şallaq) cəzası alıb.