Türkiyə məhkəməsindən gözlənilməz qadağa

Şanlıurfa vilayətinin Suruç Şəhər Məhkəməsi 32 nəfərin ölümünə səbəb olan teraktın baş verdiyi ərazidən foto və video materialların dərc edilməsinə qadağa qoydu.

Vətəninfo.az xəbər verir ki, Trend-in RIA Novosti-yə istinadən verdiyi məlumata əsasən, bu barədə "NTV" telekanalı xəbər verib.

Məhkəmənin qərarına əsasən, teraktın baş verdiyi yerdən çəkilən bütün video və foto materiallar faciə barədə dərc olunan mətn və səs xəbərlərindən çıxarılmalıdır. Bu materialların əvvəl yer aldığı bütün sayt və sosial şəbəkə səhifələri isə bloklaşdırılacaq.