Türkiyə Silahlı Qüvvələri PKK-nın mövqelərinə havadan zərbələri davam etdirir

Türkiyə Silahlı Qüvvələri PKK-nın ölkə daxilindəki və xaricindəki mövqelərinə havadan zərbələri davam etdirir.

Vətəninfo.az-ın məlumtına görə, AZƏRTAC Anadolu Agentliyinə istinadla xəbər verir ki, "Şəhid Onbaşı Həmzə İldırım” adlı əməliyyat nəticəsində 65-dən çox hədəf məhv edilib. Həmin hədəflər arasında sığınacaqlar, yeraltı silah anbarları və mağaralar olub.

Bundan əvvəl keçirilən digər əməliyyat zamanı isə terror təşkilatının 100-dən çox mövqeyinə 80 döyüş təyyarəsindən zərbələr endirilib. Bu əməliyyat zamanı isə terrorçulara aid 39 sığınacaq, 15 mağara, bir neçə yeraltı silah və məmulat anbarı və s. daxil olmaqla çoxlu sayda hədəflər məhv edilib.

Həyata keçirilmiş əməliyyatlar nəticəsində indiyədək 260-dan çox terrorçu məhv edilib, 400 nəfərə qədəri isə yaralanıb.