Ukraynada qondarma rejimin bayrağı asılıb

Ukraynanın Lvov şəhərinin mərkəzində qondarma “Dağlıq Qarabağ Respublikası”nın bayrağı asılıb

Bu barədə ANN.Az portalına burada yaşayan oxucularımızdan biri xəbər verib. Onun verdiyi xəbərə görə, bayraq Lvov şəhərinin tam mərkəzində – Prospokt Svobody 16 ünvanında yerləşən “Knyaja kelıx” restoranın yuxarı vitrininə vurulub.

Bura bir çox ölkələrin, habelə Azərbaycanın da bayrağı asılsa da, iki yerdə qondarma “DQR”-in də bayrağı vurulub.

Bir neçə gündən sonra Ukraynada futbol üzrə Avropa Çempionatı ilə başlayır. Həm çempionatla bağlı, həm də turizm mövsümünün başlaması ilə bağlı çoxsaylı əcnəbi axını var. Digər tərəfdən, Lovov şəhəri turistlərin ən çox ziyarət etdiyi şəhərlər sırasındadır.

Oxucumuzun verdiyi xəbərə görə, “Knyaja kelıx” restoranın müdiri həm də Ukrayna parlamentinin üzvüdür: “Məsələ ilə bağlı Azərbaycanın Ukraynadakı səfirliyinə və Azərbaycanın diaspor təşkilatlarına email ilə müraciət etsəm də, hələlik heç bir tədbir görülməyib”.