Vilyam Hacıyev Kəlbəcərlilərlə görüşüb

Vətəninfo.az xəbər verir ki, İmişli rayon İcra Hakimiyyətinin başçısı Vilyam Hacıyev rayonun Narınclar kəndində məskunlaşan 320 nəfərə yaxın Kəlbəcər yayonundan olan məcburi köçkünlərlə hörüşüb. Məcburi köçkünlərlə görüşən İmişli rayon İcra Hakimiyyətinin başçısı Vilyam Hacıyev dövlət başçısının regionların inkişafına göstərdiyi diqqət və qayğıdan danışıb.

Bildirib ki, respublikamızın hər yerində olduğu kimi İmişli rayonunda da məcburi köçkünlərin mənzil-məişət şəraitinin yaxşılaşdırılması və onların sosial problemlərinin həlli daim diqqət mərkəzində saxlanılır. Görüşdə çıxış edən Kəlbəcərli məcburi köçkünlər də öz növbəsində onlara göstərilən qayğıya görə dövlət başçısına minnətdarlıq ediblər. Görüşdə sakinlər tərəfindən qaldırılan müraciət və təkliflər dinlənilib,  aidiyyatı qurumlara və xidmət təşkilatlarına konkret tapşırıqlar verilib.

Babək Hüseynov -İmişli

Vətəninfo.az