Vilyam Hacıyevin yeni rüşvət qalmaqalı

İmişlinin icra başçısı daha bir nəfər 50 min manat atıb, həmin şəxs təhdidlərə dözəməyərək infark keçirib.

Ön günlərdə İmişlinin icra başçısı Vilyam Hacıyevin restoran sahiblərdinən birindən bahalı maşın hədiyyə aldığı barədə məlumat vermişdik. Həmin məlumatda deyilirdi ki, obyektini qorumaq üçün bu addımı atan həmin sahibkar icra başçısının əlindən yaxasını güclə qurtarıb.

Amma Vilyam Hacıyevin işini düzəldəcəyi adı ilə pul aldığı şəxslərdən biri isə ağır vəziyyətdədir. Həmin şəxs yeni icra başçısı ilə görüşərək, ona bahalı bir neçə layihə verilməsi və vəzifəsində qalmasını istəyib. Bunun müqabilində isə ondan 50 min manat istənilib. Vəzifəsində qalamaqistəyən şəxs də bu pulu düzəldərək, onu icra başçısına verib.

Məlumatda deyilir ki, Vilyam Hacıyev həmin oulu alaraq, indiyə qdərə həmin şəxsin işini düzəltməyib. Hətta pulu verən şəxs icra başçısı ilə bir neçə dəfə görüşməyə cəhd etsə də, istəyi baş tutmayıb.

Məlumatda vurğulanır ki,verilən vədin yerinə yetirilməsini tələb edən həmin şəxsin hərəkətlərini görən İmişlinin icra başçısı onu təhdid etməyə başlayıbdır. Axırda iş o yerə çatıb ki, pulu verən şəxs infarkt keçirməli olub və hazırda vəziyyətinin ağır olduğu deyilir.

 "İrəvan Press"