“Xalq icazə vermədi”

“Parlament sisteminə qarşı deyiləm və heç bir zaman da olmamışam”.

Vətəninfo.az Axar.az-a istinadən  xəbər verir ki, bu barədə Türkiyənin Baş naziri Əhməd Davudoğlu TRT kanalında qatıldığı proqramda deyib. O, hər kəsin öz vəzifələrinə uyğun davranmalı olduğunu bildirib:
“Parlament sisteminə qarşı deyiləm və heç bir zaman da olmamışam. Prezident idarəetmə sisteminə keçmək istədik, amma xalq buna izn vermədi. Hazırda yeni bir cədvəl var və hər kəs bu cədvələ uyğun hərəkət etməlidir. Heç kim prezidentimizin səlahiyyətlərini müzakirə etməməlidir. Prezident koalisiya məsələsində hər kəsi məsuliyyətə dəvət etdi. Onun bu mövqeyinə lazım olan cavabı vermək lazımdır. Hər kəs öz vəzifəsini səlahiyyətlərinə uyğun icra edərsə, razılıq da əldə olunar”.
Qeyd edək ki, Davudoğlu parlament seçkisinin təbliğat kampaniyası dövründə dəfələrlə prezident idarəetmə sisteminə keçmək niyyətində olduqlarını açıqlamışdı.