Yeni körpü istismara verilib

Vətəninfo.az  xəbər verir ki, Nəqliyyat Nazirliyi "Azəryolservis" ASC Muğanlı-İsmayıllı avtomobil yolunun 33-cü kilometrliyində yeni körpünü istismara verib. Bu barədə bazar ertəsi Trend-ə ASC-nin mətbuat xidmətinin rəhbəri Pünhan Mürsəliyev bildirib. Onun sözlərinə görə, yeni körpü köhnə, yarasız vəziyyətə düşmüş körpünün yerində tikilib.

P.Mürsəliyev bildirib ki, Qurudərədə yerləşən uzunluğu 2,3 və hündürlüyü 9 metr olan köhnə körpü 1979-cu ildə inşa edilmişdi. Ancaq körpüdən ağır yüklü nəqliyyat vasitələrinin keçməsi və suyun dayaqları yuyaraq yararsız vəziyyətə salması körpüdən istifadəni qeyri-mümkün etmişdi. P.Mürsəliyevin sözlərinə görə, körpüyə baxış keçirildikdən sonra yenisinin tikilməsi barədə qərar qəbul edilib. Yeni körpünün uzunluğu 6 metr, hündürlüyü 8,5 metrdir.

Vətəninfo.az