Abdulla Abdullayev niyə müflüsləşdirilir?

Milli sahibkara qarşı hücum başladı

“AMAY” Ticarət Mərkəzinin rəhbəri Abdulla Abdullayevə növbəti ağır zərbə vurulub.Məlumata görə milli sahibkarlığın əsasını qoyanlardan olan Abdulla Abdullayev uzun müddət idi ki, məqsədli şəkikldə iflas edilirdi. Bu gün isə növbəti zərbə vurulub. 

1 saylı Bakı İnzibati İqtisadi Məhkəməsinin qərarı ilə "Birlikbank" ASC müflis elan edilib və iflas prosesinə başlanılıb.

Bankın ləğvedicisi "PR VAM Beynəlxalq Audit Konsaltinq" MMC təyin edilib.

Azərbaycan Respublikası Mərkəzi Bankının İdarə Heyətinin qərarı ilə fəaliyyətdə olan "Birlikbank"ASC-nin lisenziyası ləğv edilib. "Birlikbank" ASC-yə bank əməliyyatlarının aparılması üçün verilmiş 30.06.1993-cü il tarixli, 154 saylı lisenziya "Banklar haqqında" Azərbaycan Respublikası Qanununun 16.1-ci, 16.1.8-ci, 16.1.9-cu və 16.1.18-ci maddələrinə əsasən ləğv olunub.

Bankın fəaliyyəti prudensial qaydalara və etibarlılıq qaydalarına zidd həyata keçirilib ki, bu da onun maliyyə vəziyyətinin pisləşməsinə səbəb olub. AMB-nin qanunvericiliyin tələblərinin və müxtəlif normativ aktların pozulması barədə xəbərdarlıq etməsinə baxmayaraq, "Birlikbank" institusional inkişaf və maliyyə vəziyyətinin yaxşılaşdırılmasının təmin olunması barədə tələblərin yerinə yetirilməməsi səbəbindən öz ödəniş qabiliyyətliliyini itirib.

Məlumata görə məsələ bununla tamamlanmayacaq. Bundan sonra isə “AMAY” Ticarət Mərkəzinin binasınında hərraca çıxarılacağı gözlənilir.

“Pat.az”