ABŞ-da binada güclü partlayış nəticəsində 15 nəfər yaralandı

ABŞ-ın Stafford şəhərində (Nyu Cersi ştatı) ötən gün güclü partlayış baş verib. Vətəninfo.az-ın “Gazeta.ru”ya istinadən verdiyi xəbərə görə, insident nəticəsində 6 nəfər  yanğınsöndürən və 7 nəfər qaz şirkətinin əməkdaşı olmaqla 15 nəfər xəsarət alıb. Xəsarət alanlardan ikisinin vəziyyətinin ağır olduğu bildirilir.  Məlumata görə, hadisəyə səbəb qaz sızması olub. Bir neçə binanın sakinləri qaz sızması faktı  ilə bağlı qazpaylayıcı  şirkətə müraciət edib. Sakinlər ərazidən təxliyə olunub. Mütəxəssislər nasazlığı aradan qaldırmaq məqsədi ilə əraziyə gəldikdən sonra güclü partlayış baş verib.   Partlayışın səbəbləri araşdırılır.