Aİ Rusiyaya qarşı yeni sanksiyanı müzakirə edir

Avropa İttifaqı ölkələrinin liderləri Rusiyaya qarşı birgə bəyanatla çıxış ediblər.

Publika.az-ın məlumatına görə, bəyanatda tövsiyyə olunur ki, cümə axşamı günü görüşəcək nazirlər Ruiyaya qarşı yeni sanksiyaları müzkirə etsinlər. Həmçinin bəyanatda Rusiya sentyabr ayında Minskdə imzalanan atəşkəs sazişinə riayət etməyə çağırılır.

Son günlər ərzində Rusiyapərəst üsyançılarla Ukrayna ordusu arasında döyüşlər yenidən gərginləşib. Ukrayna ordusuna əsasən son 24 saat ərzində ordunun doqquz əsgəri öldürülüb.

Debaltsevo şəhəri və Luhanskaya kəndi yaxınlığında üsyançılar ağır minomyot və artilleriya atəşi həyata keçirir.

BMT təxmin edir ki, Donetsk və Luhansk regionlarında ötən aprel ayından bəri 5000-dən çox adam öldürülüb, bir milyondan çox adam isə qaçqın düşüb.