Eynulla Fətullayev yazısında Rasim Musabəyovu siyasi səhnədə tez-tez mövqeyini dəyişdirməkdə, satqınlıqda ittiham edib. Rasim Musabəyov isə E.Fətullayevi sifarişlə yazı yazmaqda qınayıb və onun ölümünün yetişdiyini bildirib.

Vətəninfo.az xəbər verir ki, Müasir Müsavat Partiyasının sədri Hafiz Hacıyev Moderator.az-a açıqlama verərək tərəflər arasında olan gərginliyə münasibət bildirib:

"Bunlar hər ikisi arxadan zərbə vuranlardı. Eynulla Fətullayevin əvvəlki yazıları hamıya məlumdur. Həbsdən çıxandan sonra sayt açıb veriblər işlədir. Rasim Musabəyov da əvvəl başqa mövqedə idi,  deputat olduqdan sonra mövqeyini dəyişdi. Ağzını yummması üçün mandat verdilər ona. Gərək hər iki şəxs səbrli olalar, siyasət belə şeydir ki, səbr tələb edir. Bu gün Azərbaycanı qarışdırmaq, ləkələmək istəyən qüvvələr hər an fürsət gözləyir ki, ölkəmiz haqda mənfi imic formalaşdırsınlar. Musabəyovun açıqlamasından sonra bəziləri başlayacaq ki, "Azərbaycanda deputat jurnalisti it kimi öldürməyə çağırış etdi” Mən E.Fətullayevin R.Musabəyov haqda yazdıqlarında həqiqət görürəm, amma məsələni böyütməsinlər, təklif edirəm ki, hər iki şəxs barışsın”