AXCP sərdinin müavini ABŞ səfirliyində olub

AXCP sədrinin xarici əlaqələr üzrə müavini Razi Nurullayev bu gün ABŞ səfirliyinin siyasi məsələlər üzrə müşaviri Jeff Khurgel ilə görüşüb. “Vətəninfo.az”a AXCP-dən verilən məlumatda deyilir ki, görüşdə ölkədəki ictimai-siyasi vəziyyət, Eurovision sonrası baş verən hadisələr, son zamanlar AXCP üzvü olan gənclərin özlərinin və valideynlərinin polisə çağrılması barədə geniş müzakirə aparılıb. Razi Nurullayev son zamanlar 2 aprel məhbusları, o cümlədən bu kateqoriyadan kənar olan vicdan mıhbuslarının azad olunması ətrafında yaranan bir sıra anlaşılmazlıqlara da aydınlıq gətirib. Məlumata görə, görüşdə bildirilib ki, vicdan məhbuslarının adından bəzən həqiqətə uyğun olmayan məlumatlar da yayılır və məqsəd müxalifəti hədəf götürməkdir. 

Görüşdə AXCP sədri Əli Kərimlinin qohumu Elnur Seyidovun həbsi də tərəflər arasında müzakirə edilib. Qeyd edilib ki, Elnur Seyidovun həbsində qaranlıq məqamlar var və üstəlik onun ciddi xəstə olması faktı da ortadadır. Lakin, buna baxmayaraq, onun zaminə buraxılmasına belə əngəllər törədilir. 

Daha sonra, tərəfləri maraqlandıran bir sıra məsələlər barədə də fikir mübadiləsi aparılıb.