Azərbaycan Koreyada keçirilən turizm sərgisində təmsil olunur

Koreya Respublikasının Dequ şəhəri və Qyonqsanqbuk əyalətinin Turizm Assosiasiyalarının və KOTFA Co. Ltd şirkətinin birgə dəstəyi və təşkilatçılığı ilə “13-cü Dequ Qyonqbuk Səyahət Sərgisi” the 13th Tour Expo Daegu Gyeonbuk) keçirilir.
Vətəninfo.az APA-ya istinadla xəbər verir ki, Azərbaycanın Koreyadakı səfirliyindən APA-ya verilən məlumata görə, sərgidə səfirlik “Azərbaycan köşkü” ilə təmsil olunur.
200-dək yerli və xarici səyahət şirkəti, yerli turizm təşkilatları, həmçinin Koreya Respublikasında akkreditə olunmuş Səfirliklərin qatıldığı “13-cü Dequ Qyonqbuk Səyahət Sərgisi”ndə pozitiv PR və marketinq ilə turizm sənayesinin inkişafına böyük töhfə verdiyinə görə səfirlik təşkilatçılar tərəfindən “Ən Yaxşı Turizm Marketinqi Mükafatına” layiq görülüb.