Azərbaycan Türkiyənin təbii müttəfiqidir

“Münasibətlərimiz sarsılmaz iradə təməlinə əsaslanır”.

Azərbaycan güclü silahlı qüvvələrə sahibdir.
Oxu.Az Türkiyə mediasına istinadla xəbər verir ki, bu barədə Türkiyənin milli müdafiə naziri İsmət Yılmaz Azərbaycan Silahlı Qüvvələr Günü ilə bağlı Ankarada təşkil olunmuş tədbirdə deyib.
“Dağlıq Qarabağ münaqişəsi beynəlxalq hüquq çərçivəsində ərazi bütövlüyü prinsipi əsasında həllini tapmalıdır. Dost və qardaş Azərbaycan Qafqazda Türkiyənin təbii müttəfiqidir. Ortaq dil, din və qədim tarixi və mədəni dəyərlərə sahib olan münasibətlərimiz qarşılıqlı cəhdlər və sarsılmaz iradə təməlinə əsaslanır”, - nazir deyib. 
İsmət Yılmazın sözlərinə görə, Türkiyə ilə Azərbaycan arasında hərbi əməkdaşlıq ikitərəfli münasibərlərdə xüsusi yer tutur.
“Hərbi əməkdaşlıq sadəcə silahlı qüvvələrin inkişafı baxımından deyil, eyni zamanda bölgədə sülh, barışıq və təhlükəsizlik baxımından da böyük əhəmiyyət kəsb edir”, - nazir qeyd edib.

Vətəninfo.az